“ВАРИКОЦЕЛЕ” жайлы не білеміз?

Варикоцеле – бұл аталық безді орайтын, ұрықтық түтіктің бойымен орналасқан, ұманың көктамырларының (веналарының) кеңеюі.

 

Себептері :

Варикоцеле ұрықтық түтіктің бойымен өтетін көктамырлардың (веналардың) қақпақшаларының зақымдануында пайда болады. Бұл кезде олардағы қан ағымы бұзылады. Қанның іркілуі көктамырлардың ісініп, кеңеюіне апарады (бұл аяқтағы көктамырлардың варикоздық кеңеюіне ұқсас). Варикоцеле біртіндеп, баяу дамиды. Ауру 15-25 жастағы ерлерде орын алады және ұманың сол жағында көбірек кездеседі. Егде жастағы адамда кенеттен пайда болған варикоцеле бүйректің ісігінің салдарынан көктамырға баратын қан ағымының тежелуінен болуы мүмкін.  

 

Симптомдары :

Ұманың көктамырының кеңеюі, иректелуі 

Аталық бездің ауырсынусыз ісінуі, ұманың ісінуі немесе ұмада төмпешіктің пайда болуы.

 

Мүмкін асқынулары :

Варикоцеленің асқыну – бедеулікке апару мүмкіндігі. 

Емдеу барысында пайда болатын асқынуларға жататындар: 

Аталық бездердің атрофиясы (семуі) Тромбылардың (қан ұйындыларының) қалыптасуы 

Инфекциялар 

Ұманың және жақын орналасқан қантамырлардың жарақаттары

 

ТАОА хирург дәрігері Сейлов Асылбек Зинатдинович осы өзекті мәселемен Қаратау қаласының мектептерінде ер балалар, ер мұғалімдер мен ер ата- аналармен оқу – ақпараттандыру жұмыстарын жүргізді.